Дэрбэ Тимур

Дэрбэ Тимур - Дэрбэ Тимур Исмаилэ ыкъор щылэ мазэм и 19-м 1974-рэ илъэсым къуаджэу Джэджэхьаблэ къыщыхъугъ. Адыгэ кIэлэегъаджэ Iучилищэр, Адыгэ къэралыгъо университетым и филологическэ факультет, М. Горькэм ыцIэ зыхьырэ литературнэ институтым и апшъэрэ къурс къыухыгъ.

Тимур 1991 илъэсым щегъэжьагъэу итхыгъэхэр къыдэкIых. Тхылъ пчъагъэ къыдигъэкIыгъ: «Огум ишIулъэгъу» 1993, «Гум ишъэф» 1995, «КIэлэцIыкIум идунай» 1996, «Сызэжэгъэ ощхыр» 1996, «Сыадыг» 1999, «Лъэуж шIуцI» 2001, «Лъэпкъым ишъэо кIас» 1999, «ЕджакIэ зэтэгъашIэ» 2001, «Лъэхъаным инэфапI», «Тэпышэс», «ГъэшIэрэ лъэпэчIас» 2014.

2001-рэ илъэсым щыублагъэу Урысие Федерацием итхакIохэм ясоюзы хэт. УрысыбзэкIэ къыдигъэкIыгъ усэхэр зыдэт тхылъэу «Стихи Адыга».

Художественнэ фильмэу «Проклятье» зыфиIорэм (гъусэ иIэу), "жизнь взаймы" зыфиIорэм ясценариехэр ытхыгъэх.

Адыгэ республиканскэ премиеу КIэращэ Тембот ыцIэкIэ щытым и лауреат.

Адыгэ Республикэм игъэхъагъэ зиIэ журналист. 2007-рэ илъэсым къыщегъэжьагъэу лъэпкъ гъэзетэу «Адыгэ макъэм» иредактор шъхьаIэу мэлажьэ.