Кощбэе Пщымаф

Кощбэе Пщымаф (1936 — 2013) Красногвардейскэ районым ит къуаджэу Адэмые къыщыхъугъ. Гъэсэныгъэ шIэныгъэм ыгукIэ фаблэу еджагъ. Ытхыхэрэр 1956-рэ илъэсым къыщегъэжьагъэу хиутыщтыгъэх. 1969-рэ илъэсым тхэкIо ныбжьыкIэхэм яя V-рэ Всесоюзнэ зэIукIэу Москва щыIагъэм Пщымафэ иделегатыгъ. Рассказхэр, повестхэр, романхэр — тхылъ 15 фэдиз къыдигъэкIыгъ. Ахэм ащыщхэр урысыбзэкIи къыхаутыгъэх. Гъусэ иIэу КъурIаныр адыгабзэкIэ зэридзэкIыгъ. Иповестэу «Мэфибл уай» зыфиIорэр Адыгэ къэралыгъо драматическэ театрэм исценэ щагъэуцугъ. Кощбэе Пщымафэ АР-м инароднэ тхакIу.

Илэжьэнхэр

1960-рэ илъэсищ Адыгэ къэралыгъо кIэлэегъэджэ институтыр къызеухым, хэку гъэзетэу «Социалистическэ Адыгеим » (джы «Адыгэ макъ» Iоф щишIагъ. Ащ илъэсие щылэжьагъэу журналэу «Зэкъошныгъэм» редактор шъхьаIэу илъэсиблэ Iутыгъ. Ащ дакIоу Пщымафэ кIэлэцIыкIухэм апае къыдэкIырэ журналэу «Жъогъобын » зыфиIорэр къыдигъэкIыщтыгъ. Ар «Зэкъошныгъэм» дэлъэу апэу къыдэкIыщтыгъэмэ, журнал шъхьаф хъунымкIэ ишIуагъэ къыгъэкIуагъ. 1970-м къыщыублагъэу 1996-м нэс Адыгэ тхылъ тедзапIэм иредактор шъхьаIэу, нэужым идиректорэу Iоф ышIагъ. Мы лъэхъаным журналэу «Зэкъошныгъэм» иредактор.

Кощбэе Пщымаф ытхыхэрэр 1956-рэ илъэсым къыщыублагъэу къыхаутых. Ирассказхэр, ловестхэр, романхэр зыдэт тхылъ 20-м ехъу къыдигъэкIыгъ. Ахэмэ ащыщых «Сэтэнай», «Гум пае гу аты», «Мэфибл уай », «Мэзэгъо чэщхэр», «ЧIыфэ», «Дышъэтас», «Къушъхьэтхьш тет унэр» зыфиIохэрэр.

Пщымафэ кIэлэцIыкIухэми афэтхэ. Ахэмэ апае ытхыгъэ рассказхэр бэрэ «Жъогъобыным» къыхеутых. «КIэлэцIыкIу джэгукIэхэр» шъхьэу иIэу тхылъ къыдигъэкIыгъ.

Мамырныгъэм иорэд
Тэ тихэгъэгоу чIым изыханэ
Мамыр орэдым зыкъыщеIэт.
Дунэе дахэм ащ нахь нэфынэу
Тыгъэр къыщепсэу чIылъэ темыт.