ПхъэуӀу — мэзым хэс бзыу лъэпкъ. Чъыгмэ псынкӀэу ащэзекӀо. Ыпэ пытэкӀэ чъыгышъор зэгуеуты ыкӀи хьацӀэ-пӀацӀэхэр хешыпыкӀых. Ащ сыдигъуи изакъу. Инабгъо чъыг гъурбэхэм арешӀыхьэ, нахьыбэмкӀэ къыхихырэр ныхыр (осина) ары. Набгъом фыжьхэу кӀэнкӀитфхы релъхьэ. КӀэнкӀэхэм, бзыу анэм фэдэу, хъури атесы. Мэфэ 12–13 зыхъурэм щырхэр къыращых. Тхьамэфищ зыхъукӀэ щырхэр набгъом къебыбыкӀых, ау чыжьэу ӀукӀхэрэп. ХьацӀэ-пӀацӀэхэр зэришхырэм пае пхъэуӀум ишӀогъэшхо къегъакӀо.